PSJ-nin baş məşqçisi Luis Enrikenin qızı Sira Martines ölümlə nəticələnən yol-nəqliyyat hadisəsində iştirak edən avtomobildə olub.
BAKU.WS xəbər verir ki, bu barədə İspaniyanın "A Punt" telekanalı məlumat yayıb.
Hadisə oktyabrın 8-də axşam saatlarında İspaniyanın La-Safor bölgəsində baş verib. Motosikletlə minik avtomobilinin toqquşması nəticəsində motosikletin sürücüsü həyatını itirib.
Qəza zamanı avtomobili başqa şəxs idarə edib. Sira Martines hadisə nəticəsində xəsarət almayıb.
Sürücünün alkoqol və narkotik testlərinin nəticələri mənfi olub. Hadisənin səbəbləri araşdırılır. Araşdırma başa çatanadək avtomobilin sürücüsü iş üzrə şübhəli şəxs olaraq qalır.
